Sample Press Kit from Lean: A Filipino Musical by UP Manila Dramatista

LEAN: A FILIPINO MUSICAL

SYNOPSIS

Lean: A Filipino Musical is about the events in the life of Lean Alejandro, a student leader and activist from the University of the Philippines Diliman. He was a member of the Philippine Collegian, where he frequently wrote against the Marcos dictatorship. He eventually became the chairperson of the College of Arts and Sciences Student Council. The story is about the students of UP who bravely fought against martial law.

Mr. Tim, with his right-hand woman Jojo, is the representation of all power and authority that governs people in a close-minded way. The activist groups that fought them were primarily lead by Lean with the help of his friends Noli, Edward, Bobby, and Ka Tanny. Lean eventually meets Lidy, an intellectual socialist who often had debates with him in the middle of their efforts. Their relationship bloomed despite the struggles of fighting for the revolution. Amid Ninoy getting killed and Cory Aquino gaining renown, Lean gets unjustly imprisoned, especially since he began to be involved in politics. Upon his release due to lack of evidence, activists lead a multi-sectoral rally to fight for their country.

With the country uprising against the government, Marcos held the 1986 snap election to appease the masses. The people were divided into two groups: Those who want a fair and peaceful election, led by Edward, and those who believe that another government is not the solution, which is lead by Noli. In the end, Marcos cheated the results, and People Power happened to impeach him. Cory was proclaimed the new president. By that time, he was already wed to Lidy. The new government didn't make true to its promises immediately. They were forced to fight for their rights again, but it ended up in the Mendiola Massacre. Lean decided to run for congress, but he was defeated by the flamboyancy and unfairness of his rival candidates. Lidy had a hard time as well, keeping up with him and their newly formed family though she supported him through and through. It was still chaos with the government, the prices were high, and crimes were unsolved. When everything was touch and go for Filipinos, and he was one of the most articulate leaders at that time, his life was ended inside his car. Lean is commemorated for his valiant efforts in fighting for the right of the Filipinos.

CHARACTER PROFILE

Lean (Kenneth Mangurit)

Lean Alejandro is a student leader and activist from the University of the Philippines, Diliman. He was a member of the Philippine Collegian, where he frequently wrote against the Marcos dictatorship. He eventually became the chairperson of the College of Arts and Sciences Student Council. 

BIO BRIEF

Dati siyang nag-aral, at ‘di kalauna’y nakapagtapos noong 2015 sa Politeknikong Unibersidad ng Pilipinas. Sa kasalukuyan, siya isang mag-aaral ng Unibersidad ng Santo Tomas sa larangan ng Edukasyon. Marami na rin siyang produksyong nasalihan noong siya ay estudyante pa lamang, at noong nakapagtapos na siya ay patuloy pa rin siyang lumabas sa ilang pagtatanghal tulad ng “Mabining Mandirigma: A Steampunk Musical” (2015) ng Tanghalang Pilipino, at “Kanser@35 The Musical” (2015) ng Gantimpala Theater Foundation bilang ensemble. Bukod sa mga dulang musikal, lumabas na rin siya sa ibang produksyon tulad ng “Burol” ni Bennard Fajardo ng VLF Writing Fellowship Program (2016), “Ako NaMAN” ng Art Rally Manila (2017), at sa “Walang-hiyang Tibok” ni May Cardoso at “Upuan” ni Manuel Tinio, na parehong kasali sa FringeMNL 2017. Maliban sa pagiging aktor, naging kawani na rin siya ng ilang produksyon katulad ng “Si Medea” ng Langgam Performance Troupe bilang tagapamahala ng entablado, at nakisama sa boluntaryong paggawa sa FringeMNL 2015 at Karnabal 2016. 

 

Lidy (Marie Frances Mendoza)

A former socialist who would have frequent debates with Lean and eventually fall in love with him. She was a supporter of the movement against the Marcos dictatorship.

BIO BRIEF

Aktibo siya sa mga korong UP Cherubim and Seraphim, Himig Agham, at UP Medicine Choir. Sa katunayan, isa siya sa mga miyembrong nagtulak sa UP Medicine Choir na magkamit ng mga gantimpala sa iba’t ibang lokal at internasyonal na timpalak. Sa kanyang ikatlong taon sa pag-aaral ng Medisina, lalo niyang pinalawak ang kanyang kaalaman sa sining sa pamamagitan ng pagsali sa UPM Dramatista. Bilang kasapi ng grupo, nakapagtanghal na siya sa mga maiikling dulang “Agaw-Buhay”, “Kalendaryo”, “Once Upon a Time”, “Freedom”, “Ang Mahiwagang Kahon” at “Baluktot na Tinidor”, umarte sa mga pelikulang “Almost”, at “False Posi+ive”, at gumanap bilang si “Tess” sa dulang “Last Order sa Penguin”. Sa “Lean: A Filipino Musical” siya unang magtatanghal sa isang dulang musikal. Bukod sa mga ito, naging miyembro rin siya ng Production team sa ilan pang mga pagtatanghal ng grupo. Nagtapos siya ng kursong BS Basic Medical Sciences sa UP Manila, at ‘di kalauna’y Doctor of Medicine sa UP-Philippine General Hospital noong 2016. 

Mr. Tim (Uriel Serafin Molina)

He is the representation of all power and authority that governs people in a close-minded way. He is shown to be different characters in the play, but a central idea that they are the foreign powers that staunch the revolution is firmly in each character.

BIO BRIEF

Si Uriel Molina ay isang studyante sa Unibersidad ng Pilipinas Manila sa kanyang ikaapat na taon sa ilalim ng programang BA Social Sciences, Major in Area Studies. Nagsimula ang kanyang hilig sa teatro mula noong sumali siya sa UP Manila Dramatista nung taon ng 2014, at magmula noon, siya’y naging parte ng mga iba’t ibang produksyon na inihandog ng Dramatista katulad ng “Measure In Love,” “Dramarathon 2015: Huwag Kang Matakot Matakot”, “Science Fiction: Double Feature,” “Dramarathon 2016: Bulag, Pipi, at Bingi”, at ngayon, ang “Lean: A Filipino Musical.” 

Ang paborito niyang linya galing sa “Lean”: “Huwag ninyong hayaan ang inyong pag-aaral ay maging sagabal sa inyong edukasyon.”

Jojo (Lalaine Quinan)

Jojo is the sidekick of Mr. Tim. Regardless of the face of the leader of the Philippine government, she remains a strong supporter of the neutralization of communists in the country.

BIO BRIEF

Si Lalaine ay isang senior ng Agham ng Dalub-Asal sa Kolehiyo ng Agham at Sining. Siya ay hinubog ng teatro higit pa sa mga pagkakataong hinuhubog nya ang kanyang sarili bilang mga karakter na kanyang inilalarawan. Una siyang sumali sa UP Manila Dramatista noong unang taon niya sa kolehiyo. Ang kanyang unang pagtatanghal kasama ang mga Dramatista ay bilang sina “Dr. Mary”, “Dr. Merra” at “Nurse Margot” sa “Boy Batik”, isa sa tatlong maiikling dula noong Dramarathon 2014. Noong taon ding iyon, siya ay nagtanghal bilang si “Harlene” sa dula ni Chris Martinez na “Last Order sa Penguin”. Sumali rin siya sa iba’t ibang taunang musikal ng grupong ito: bilang si “Mimi” ng “Measure In Love” at si “Janet” ng “Science Fiction: Double Feature”. Siya rin ay gumanap bilang puta sa “Minsan May Isang Puta” ni Mike Portes sa mga iba’t ibang pagtatanghal ng Dramatista sa unibersidad. Bukod sa mga ito, nakapagtanghal na rin siya kasama ang GABRIELA-Youth UPM sa “Pepe Talks”, isang bersyon sa Filipino ng “The Vagina Monologues”. 

Bobby  (Carmela Franchesca Reyes)

A woman who is not afraid to fight against the wrong in the world, Bobby is willing to die for the cause. She was the one who inspired Lean to join the Collegian, and from then on, she stayed by the revolution’s side until the day that she died. 

BIO BRIEF

Galing sa isang pamilya ng mga musikero, si Carmela ay nagsanay na sa musika at sining sa murang edad pa lamang. Simula pagkabata, iba't ibang mga guro sa pag-awit, pagsayaw, at pag-arte ang nakapagturo na sa kanya, tulad na lamang ni Kevyn Lettau, isa sa mga sikat na bokalista sa larangan ng Brazilian jazz. 

Kumuha rin siya ng maikling kurso sa UST Conservatory of Music (voice). Sa kasalukuyan, nasa The Music School of Ryan Cayabyab na si Carmela. Marami na siyang mga nasalihang mga produksuyon tulad ng "Red Gown", "The Trial of Mang Serapio", at "The Exchange"  Sa ngayon ay mayroon din siyang pinaghahandaang musikal na inihahandog ng One-Art-is-Tree Production  --isang rock musical na pinamagatang "Kabataan ngayon, Pag-asa pa ba ng bayan?". 

Edward (Dean Cain Lopez)

He was a student/activist against the Marcos regime and suddenly became a pacifist when he got into the Cory Administration. He was firmly against the government until the shift in governance. He does not believe that a revolution is needed; instead, he believes that we need a peaceful election.

Noli (Niel Joshua Suyat)

A member of the Manila Collegian, along with Edward and Bobby, is an earnest activist. He strongly opposes that government, and he believes that we do not need a peaceful election; what we need is to overthrow that government and change it as a whole.

BIO BRIEF

Si Neil ay isang estudyante ng BS Biochemistry. Nadiskubre niya ang kanyang hilig sa teatro noong siya ay gumanap bilang si “Captain von Trapp” sa “Sound of Music”, isang produksyon ng kanyang paaralan. Mula noon ay napipili na siyang gumanap sa iba pang mga produksyong orihinal ng kanyang paaalan. 

Chino (Rafael Baybay)

The jester in this play is Chino Roces, the staunch government critic and acclaimed journalist who started The Manila Times newspaper. The Philippine Legion of Honor award was conferred upon him to recognize his campaign to have Cory Aquino run against Marcos for the presidency.

BIO BRIEF

Nagsimula si Raffy na magtanghal kasama ng Dramatista noong pumasok siya sa UP Manila para maging doktor. Umarte siya bilang si “Doctor Frank N. Furter” para sa dulang “Science Fiction: Double Feature”, isang rendisyon ng “The Rocky Horror Show” sa una niyang taon bilang kasapi ng Dramatista. Siya rin ang nagsulat at naging direktor ng pagtatanghal na musikal na “Wolf” para sa nasabing organisasyon. Nakaarte rin si Raffy sa mga maikling dula katulad ng “Baluktot na Tinidor”, “UPM Files”, “Backstage” at “The Fourth Estate”. Ang “Lean: A Filipino Musical” ay magiging kauna-unahang niyang musikal na nasa wikang Filipino. 

Ka Tanny – Carlo Cabahug

A friend of Lean is still fighting against the inequalities of the people. Although he is old, he does not stop fighting for what he believes in.

ENSEMBLE

Pauline Izabelle Suarez

BIO BRIEF

Si Pola ay isang estudyante ng Occupational Therapy sa UP Manila. Nagsimula ang kanyang pagmamahal sa teatro noong siya ay nasa mataas na paaralan, kung saan naging miyembro siya ng organisasyong panteatrong UPSTAGE sa unang taon niya rito. Noong 2012, napili siya bilang isa sa mga kinatawan upang magtanghal sa Bucheon Intangible Cultural Heritage Expo sa South Korea. Naparangalan na rin siya bilang Best Actress sa produksyon sa kanilang klaseng pinamagatang “Doc Resurrecion: Gagamutin ang Bayan”. 

Pagtungtong sa kolehiyo, ipinagpatuloy niya ang kanyang pagsasanay sa teatro at naging miyembro ng UP Manila Dramatista. Bilang miyembro, nagtanghal siya sa mga dulang “Isang Kasalanan”, “Mga Obra ni Maestra”, at “Emma and Kate”. Umarte rin siya sa maiikling pelikulang “Nuwebe” at “Almost”. Bukod sa mga ito, mayroon din siyang kaalaman sa larangan ng production. Siya ang tumayong props manager sa dulang musikal na “We Tell the Story” noong 2013, at music director ng “Last Order sa Penguin” noong 2014. Siya naman ang nagsalaysay sa pelikulang “The Side Effect”. Siya ang nagsulat at nagdirek ng maikling dulang “Tag(p)uan” at nagdirek ng “Buntong Hininga”. Mayroon na siyang karanasang magtanghal sa dulang musikal noong naging miyembro siya ng ensemble sa “Measure in Love” noong 2015 at naging Narrator sa “Science Fiction: Double Feature” noong 2016.

Joey Auxilian

BIO BRIEF

Si Joey ay isang estudyante ng BA Organizational Communications sa UP Manila. Hindi na bago sa kanya ang entablado, dahil mahilig na siyang magtanghal noong bata pa lang siya. Ang pagkanta at pag-arte ay tunay na silakbo ng kanyang damdamin, kaya sumali siya sa UP Manila Dramatista at UP Musicians’ Organization. Sa mga taong ginugol niya sa teatro, gumanap na siya bilang “Miss Hannigan” sa “Annie”, “Rizzo” at “Sandy” sa “Grease”, at “Cinderella” at “Fairy Godmother” sa “Cinderella”. Kahit nakapagtanghal na siya sa maraming dula, ang “Lean: A Filipino Musical” ang unang produksyong nasa wikang Filipinong sinalihan niya. 

Kristia Alyssa Alfonso

BIO BRIEF

Si Kristia ay nasa kanyang ikalawang taon bilang isang mag-aaral ng Speech Pathology sa UP-CAMP. Noong siya'y bata pa, naging extra siya sa iba't ibang patalastas, kabilang na rito ang pagiging isang hand talent para sa Birch Tree dahil na rin sa tulong ng kanyang mga magulang na mula sa mundo ng advertising. 

Christopher Domingo

BIO BRIEF

Simula noong bata pa lang si Chris, mahilig na siyang kumanta, sumayaw, at umarte. Subalit dahil walang teatro sa paaralang kanyang pinasukan noon, hindi siya nagkaroon ng pagkakataong malinang at masanay sa pagtatanghal sa harap ng maraming tao. Sa kabila nito, aktibo siyang lumahok sa mga maiikling dula sa klase bilang manunulat o direktor, at hindi bilang isang aktor dahil tingin niya ay kulang pa ang kumpiyansa niya sa kanyang sarili. Sa katunayan, ang pagganap niya bilang Investigative Journalist sa Dramarathon 2016: Bulag, Pipi, at Bingi ay ang kauna-unahan niyang pagtatanghal sa entablado. Bago pa man siya pumasok sa UP Manila, pangarap na niyang sumali sa Dramatista dahil alam niyang dito niya mahahasa ang kanyang hilig sa pag-arte. Sa kasalukuyan, isa siyang trainee ng organisasyon, at nangangarap siyang maging isang ganap na miyembro nito sa tamang panahon. Ang pagiging trainee ng Dramatista ang nagbukas sa kanya ng napakaraming oportunidad sa larangan ng sining, at dahil dito, nagkaroon siya ng pagkakakilanlan sa teatro. Para sa kanya, ang pag arte ay hindi lamang isang palabas para sa mga manonood. Isa itong paraan upang ilabas at ihayag ang mga mensahe na nais mong iparating--kasama ang puso at kaluluwa sa bawat kilos at salita. Ang “Lean: A Filipino Musical” ang kanyang unang dulang musikal na gaganapan.

Mikhael Florentino

BIO BRIEF

Lumaki si Mix sa pamilya ng mga musikero, kaya’t lalong yumabong ang pagkahilig niya sa musika at teatro pagtungtong niya ng mataas na paaralan. Siya’y naging bokalista sa banda, at naging parte ng Glee Club. Dito rin nagsimula ang kanyang pagsali sa mga school production. Ang pag-arte ay hindi niya unang pinipili dahil kadalasan, siya’y nagiging direktor o manunulat.

 Pagpasok niya ng UP Manila bilang mag-aaral ng Agham ng Dalub-Asal, lalong napagtibay ang kanyang pagmamahal sa sining noong sumali siya sa Karatula UPM. Ang kagustuhan niyang makibaka gamit ang sining ang nagtulak sa kanya para lumahok sa “Leán: A Filipino Musical”.

Erika Therese Floro

BIO BRIEF

Wala siyang karanasan sa teatro, ngunit ito ay isang sining na kanyang kinamamanghaan, lalo na’t mahilig siyang manood ng mga dula at musical. Wala man siyang karanasan sa larangan ng pag-arte, si Eka ay bumabawi naman sa larangan ng pagkanta, pagsusulat ng kanta at pagsayaw, bilang parte ng UP Musicians’ Organization at UP Manila Indayog Dance Varsity. 

Michelle Anne Payofelin

BIO BRIEF

Nagsimulang umusbong ang pagmamahal ni Michele sa teatro sa kanyang pagsali sa organisasyong Dulaang Kruhay sa kanyang mataas na paaralan. Ang kanyang katangi-tanging pagganap bilang “Regina Calderon” sa dulang “Moses, Moses” ni Rogelio Sikat ang naging daan upang makamit niya ang gantimpalang Best Actress sa Gawad Alab Agila Awards. Maliban dito, naging bahagi rin siya ng iba’t ibang produksyong musikal tulad ng “Mama Mia”, “Toyang”, at “Broadway Unplugged”.

Ipinagpatuloy niya ang pagiging bahagi ng teatro pagtungtong niya ng kolehiyo. Sa kanyang ikalawang taon, kasabay ng kanyang pag-aaral ng kursong Nursing, sumali siya sa organisasyong UP Manila Dramatista. Gumanap siya bilang “Jennelyn” sa dulang “Maiba Taya” mula sa Dramarathon 2015: Wag Kang Matakot Matakot, at bilang kaisipan ni Cece sa “Pantig” mula sa Dramarathon 2016: Bulag, Pipi at Bingi. Sa Dramusical naman noong 2016, gumanap siya bilang “Eddy” at “Dr. Scott” sa “Science Fiction: Double Feature”. Ang pagiging bahagi niya ng “Lean: A Filipino Musical” ay isang mahalagang hakbang para sa kanya sapagkat malapit sa kanyang puso ang tema ng musikal na ito.

Nessa Peña

BIO BRIEF

Si Nessa ay isang mag-aaral na nasa ikalawang taon sa College of Dentistry. Mula sa pagkabata ay kapansin-pansin na ang kanyang pagkagusto sa sining, lalong higit na pagkahilig sa pag-awit. Parati siyang lumalahok sa mga patimpalak sa kantahan sa loob o labas man ng eskwelahan. Ang kanyang pagmamahal sa musika ay mas yumabong pa noong siya'y nasa sekondarya kung saan siya'y napasama sa isang grupo ng mga mang-aawit na Himig Scientia bilang isang Soprano. Madalas din siyang nagiging tagakumpas tuwing may mga Carol Fest at tagapagturo sa mga mas nakababatang taon kung paano umawit. Bukod sa pag-awit, napamahal na rin siya pagsayaw, kaya naman siya ri'y lumalahok sa iba't ibang dancing contest mula elementarya hanggang ngayong siya ay nasa kolehiyo na. Minsan lamang siyang umarte sa teatro noong siya'y nasa high school sapagkat mas madalas siyang naging direktor o tagapagsulat ng mga dula. Siya rin ay mahilig magpinta, gumuhit, at magsulat ng kaligrapiya kapag wala siyang ginagawa. 

Raphael Santiago

BIO BRIEF

Siya ay nagtanghal na para sa kanyang paaralan noon at hinasa sa teatro ng kanyang mga guro sa Ingles at Filipino. Sa kanyang ikatlong taon sa mataas na paaralan, siya naman ay nagsanay bilang direktor, at sa ikaapat na taon niya naman, siya ay namuno sa produkson ng “The Addams Family” ng kanilang paaralan. Pagtungtong niya ng kolehiyo, ipinagpatuloy niya ang kanyang interes sa teatro. Bilang dating mag-aaral ng UP Diliman, siya ay kumuha ng klase sa theatre arts, at nag-aral ng basic acting workshop sa ilalim ng pagtuturo ni Binibining Micaela Pineda, M.A. Siya rin ay nagtanghal sa UP Diliman bilang bahagi ng kaniyang klase sa Theatre 12. Nagsilbi siyang direktor at aktor para sa kanilang produksyong “Check, Please” at “Hard Candy”. Sa paglipat niya ng UP Manila ay hindi napuksa ang alab ng kanyang damdamin para sa pag-arte. Siya ay miyembro ng Public Health Artists’ Circle (PHAC), Film and Theatre. Nagkaroon na rin siya ng isang proyekto dito, ang “Ellipsis” na ipinalabas noong Marso bilang paggunita sa ikalabing-siyam na anibersaryo ng organisasyon. Ang “Lean: A Filipino Musical” ang unang pagtatanghal niya sa para sa UP Manila Dramatista.

Nikko Tom Catli

BIO BRIEF

Sa kabila ng kanyang tiwala sa kakayahan niyang kumanta, isang bagito pa lamang sa pag-arte si Tom. Takot man sa kanyang kahinaan, tinatanggap pa rin niya ang ganitong mga pagkakataon upang magtanghal alang-alang sa kanyang pagmamahal sa sining. Siya ay nakapagtanghal bilang si “Roger” sa “Measure in Love” ng UP Manila Dramatista. Kapag dinadapuan naman ng inspirasyon at maluwag na oras, ginagawa niya ang ibang mga hilig niya sa buhay: pagsusulat, pagluluto at, maniwala man ang iba o hindi, paglilinis.  

   

Michaela Villaroman

BIO BRIEF

Isang tagahanga sa larangan ng sining si Micha. Natuto siyang tumugtog ng piano at gitara, kumanta, umarte, at magpinta noong bata pa lang siya. Siya’y sumali sa The Music School of Ryan Cayabyab at sa Repertory Philippines upang lalong linangin ang kanyang talento sa pagkanta at pag-arte. Naging kabilang din siya sa maraming school productions mula elementarya hanggang high school at naging miyembro ng kanilang Glee club, kung saan sumali sila sa mga kompetisyon. Pagdating ng kolehiyo, hindi niya pa rin kinalimutan ang pagmamahal sa sining. Nag-aaral siya ngayon sa UP Manila ng kursong Organizational Communication, at kabilang siya sa UP Musician’s Organization, kung saan siya’y kumakanta at tumutugtog sa isang banda. Ngayong 2017, nakasama siya sa main cast ng musikal ng trainees ng Dramatista, ang “Sablay.” Ito ang una niyang karanasan sa pagganap sa isang musikal. At mula doon, napagtanto niyang nais pa niyang mapabilang muli sa teatro.

Production Team

Stage Director – Reachie De Leon

Musical Director – Joyce Frias

Production Manager – Zoe Caballero

Light Designer – King Benedict Metrillo

Set Design & Props Manager – Paolo Andal

Sound Design – Sofia Angela Aquino